Friday, January 20, 2006

 

بُعد آخر للسقيع

الجو ساقع؟
مساكيييين...

ده انتم يا خلق الله منعمين معززين مكرمين في وسط المدينة، مش حاسين باخواتكم الغلابة اللي ساكنين في أطراف القارة القاهرية!!!

مش بس كدة، يا سلام كمان لو حتة مرتفعة حوالي 300متر فوق سطح البحر وصحراوية في الأصل..

جبل؟ لأ...
المقطم؟؟ لأ، ده 60 متر بس...
هو في حتة زي كدة أصلا؟؟ أيوة فيه وتبع قاهرة المعز لدين الله الفاطمي كمان!
قمة إفرست؟ دي نباهة ولا سخرية؟ :@

أهلا بكم في أجواء المنطقة المجهولة التي تسمى بالقاهرة الجديدة، وبالأخص التجمع الخامس!

زيها زي القديمة بالظبط، مع فارق 5 درجات على مقياس سلسيوس*:
2 علشان الارتفاع، والباقي تلوث على رطوبة على تكدس مباني
على نعمة من عند ربنا (في الصيف بس)

تخيلوا بقى البرد؟ انتم عايشين في دفاية...!

والله العظيم مرة كنت مروح البيت بالليل سايق عربية أمي اللي قدرا فيها مقياس لدرجة حرارة الجو...
ولكم ان تتخيلوا الرقم الذي عرضه هذا المقياس الوغد..

8 درجة مئوية!
مش بس كدة، ده كان معاها شوية رياح لطيفة كدة حسستني اني قاعد في تلاجة نو فروست**...

أنا قلت: "ايه ده؟ 8؟ ده كده انا لو قللت شدة التلاجة عندنا في البيت...
ممكن جواها يبقى أدفأ من براها؟؟؟؟؟***"

المميزة لهذا المكان اني لما بانزل (!) للقاهرة، باكون دافيان مش بردان...
طبعا باتحسد وباتهبب (علشان بابقى لابس نصف كم) لكن مش مهم لأني باكون مستمتع بالجو تماما - أنا من محبي البرد على فكرة رغم كل ده!!

المهم، ان أنا جالي برد.. ومش أي برد ده برد بجد في جو بارد جدا...

لكن برده أحب أنوه في نهاية الأمر أني أحمد الله على نعمة التدفئة التي أنعم الله بها علي...
في ناس مش لاقيين ملاية يتغطوا بيها!!!

وسلامي نهاية كلامي

*Celcius
**No-Frost
***عموما التلاجات بتكون درجة الحرارة بداخلها حوالين 8-10 مئوية - أكثر أو أقل

Comments:
(المنطقة المجهوله)......
لوولز !!

جامده أوى حكاية 8 درجات ديه ! !و أنا أقول إنت عاملنا فيها تنين و مش بتلبس تقيييل ليه !!
أتاريك يا حبة عينى, من الشياح أصلاً :D:D
 
ماشي يا أيها البردان, ما حبش الحقيقة أكون مكانك عشان أنا بعز الدفا قوي قوي و كل واحد و ذوقه بس أحسن حاجة لما يكون الواحد عنده مشكلة و هية مش مأزماه ولا مضايقاه ده فعلا نعمة
 
ع الأقل البرد أحسن من الحر
بس شوف مين اللي بيتكلم؟ واحد بيلبس 5 راقات و ...أستك
:$
 
ahlan beek ana re7abeya .. :D
 
7aga kowayesa 3ala fekra ennak teb2a fe mante2a b3eeda 3an el dawsha ..
3an nafsi , ab2a a3ed fe mante2a hadya mafesh feha wala koshk wala supermarket wala ayyyyy 7aga
bas teb2a hadya .. sakta
ba3d keda kol she2 yhoon

ACE
 
هاي مع ان كلامي ده متاخر شويه بس اعذروني اصل انا بلوجيه جديده ولسه قاريه البوست الجميل ده . عموما بتقول ان الجو برد عندك و صقيع امال لو جربت نوات اسكندريه وجمالها تمشي كده تلاقي الهوا بيزقك غصب عنك في اتجاهه وتلاقي المطر كده زي ما بييجي في الأفلام زي الدش بالضبط بس انا برضه باحب الجو ده اوي واحب امشي فيه
 
What a great site » » »
 
Excellent, love it! Hong kong flight to paris furniture city in dickinson north dakota
 
hot-wallpapers
wthn k ? uf 79
 
Post a Comment

Links to this post:

Create a Link



<< Home

This page is powered by Blogger. Isn't yours?