Thursday, January 19, 2006

 

krokonileزيطة على قفا ال

الصراحة انا اول ما شفت البتاع الأخضر بتاع كأس الأمم الأفريقية بمصر ده قلت انه تنين مش تمساح...

وقلت في عقل بالي: "طب وايه علاقة أفرقيا بالصين بلد التنين؟"

شوية شوية لما قربت ودققت (ولّا يمكن حد قال لي...مش فاكر الصراحة) فوجئت ان اسمه
krokonile

مع ان في رايي المتواضع
dragonile
كان يليق أكتر شوية...

ده طبعا في حالة انه يبقى بالشكل ده

الهم، بما انكم
قلتم - زي خلق الله كلهم - ان التماسيح دي مش حاجة احنا بنشوفها لا اي حد عارف هي فين ولا ترمز لمين في الحر أو البرد اللي احنا فيه ده...

فا ايه رأيكم انهم كانوا يعملوا اللوجو ده على شكل كلب ضال زي اللي عندنا في كلية الهندسة، أو قطة شارع (ويا ريت تكون حامل علشان تعبر عن أهمية دور المرأة والأم في المجتمع المصري إلخ)؟؟

أو حمار!
بكدة نبقى عبرنا عن جميع المصريين في رسمة واحدة!
(إقرأوا حمار من الشرق - محمود السعدني)

وإحنا ليه محبوسين في فكرة التميمة على اساس حيواني؟؟؟؟

نهايته... أرجو أن انوه عن إعجابي بالمجهود الذي بذل في عمل هذا اللوجو، وأحمد الله أنه خرج نسبيا من الإطار الفرعوني والسبعتلاف سنة اللي لازقين فينا مع دعاء الناس ان السنين ترجع لنا تاني من لوحدها بينما نحن مشغولين بمشاهدة المسلسلات العربي والكوري (ماعلش يا بلو ما قدرتش امسك نفسي) والفيديو كليب بكل جنسياته!

وسلامي نهاية كلامي

Comments:
لووولوووووى..
ياخطوة مباركة يا عبد الرحمن... يادى النور اللى هل علينا ع البلوجرز

اما عن موضوع الكروكونيل... فأنا مع إقتراحك إنه يبقى حمارونيل.. أظن كدة أوقع
:D

سلاماتى
 
yabny tmsa7 w s7liet w dragon a bs !!:@:@:@

enzl fl shwar3, w es2l ay 7d, fi egma3 sh3by asln eno Bors :D:D

b3din ya ragl dah el deek bta3 France 98 w el K9 bta3 USA 94 andf mn om el ma7'lo2 el holamy dah asln :@:@

N.b: 7'bt zaie mnta 3ayez fl kory yaba :D
 
bass 7add la7ez enn ma7addesh 7att ayy shokr lel rayyes fel yofat?? ... ma7attoosh 7atta "ta7t mazalllet el rayyes!"" el sha3b da ebtada yelsa3
 
حمار أرنب المهم بعيد عن السبعتلاف سنة إياهم .. أرحب بيك يا هندسة وشكرا ل لست أدري علي الترشيح الجميل
 
يا لهوى هو ده تمساح كنت فاكراه سحليه ....!!!
 
fe3lan ahu kollo bortoqaal!!!!
 
a3tked en esmo el 7a2i2i " 7moneel" w ebywz3o m3ah ezazet kalamena hedeya :D
 
Post a Comment



<< Home

This page is powered by Blogger. Isn't yours?